Participa con nós !
PONTE…NAS ONDAS! convídavos a que vos sumedes á celebración do DÍA MUNDIAL DA RADIO que se vai celebrar o 13 de febreiro. O portal “ESCOLAS NAS ONDAS!” , o primeiro espazo para difundir e espallar os podcasts e os programas das escolas galegas e portuguesas e de todo o ámbito da lusofonía acollerá as producións que se envíen.
PARTICIPACIÓN
Enviando os programas ou podcasts que desexen ao enderezo web@escolasnasondas.com. Se os tedes en calquera plataforma (Ivoox, Soundcloud, etc.) podedes mandarnos o enlace para que nós os incorporemos.
Se queredes empregar tamén a imaxe, subide o vídeo e mandádenos o enlace do lugar onde estea aloxado. Hai unha canle de vídeo para os traballos das escolas.
Tamén podes mandar unha mensaxe de audio a través de Whats App relacionada coa radio e o deporte. Mensaxes ao número: 603 896 495
XORNADA ESCOLAR EN DIRECTO – 21 febreiro
Escolas galegas e portuguesas realizaremos programas en directo o día 21 de febreiro debido a que o día 13 estaremos celebrando o entroido.
Se queres participar comunícanos cal vai ser a intervención do voso centro.
Máis info.: ondas@pontenasondas.org
Algunhas propostas para facer co alumnado para o DÍA MUNDIAL DA RADIO
A RADIO E O DEPORTE
- Reportaxe sobre os deportes que se practican no teu centro.
- Entrevistas ou reportaxes de deportistas do teu centro.
- Xogos tradicionais ( no centro, no concello, na comarca ). Entrevistas, reportaxes, normas de xogo, etc. )
- Recolle opinións de deportistas sobre a súa experiencia coa radio. Dille que é para o Día Mundial da Radio.
- Recolle colaboracións de xornalistas deportivos.
- Fai a túa retransmisión deportiva. Convértete no mellor reporteiro/a.
- Cal foi a noticia deportiva máis importante que escoitaches pola radio ? Cóntao !
- Cal sería a noticia deportiva que che gustaría retransmitir pola radio ? Faino ! Podes facer vários personaxes coa túa voz !
- Es capaz de imitar a un deportista coñecido ? Faino !
- Todo o que queiras contar co binomio RADIO + DEPORTE
