O 13 de febreiro Ponte…nas ondas! celebrou o Día Mundial da Radio cun acto organizado en colaboración coa Facultade de Ciencias Sociais e da Comunicación de Pontevedra.
O acto, aberto ao público, comezou ás 17.00 hs. no Salón de Graos.
Ademais, fíxose público o MANIFESTO DAS RADIOS ESCOLARES.
https://www.facebook.com/media/set/?set=a.612463912136639.1073741825.284485861601114&type=1
O Día Mundial da Radio foi proclamado pola UNESCO no ano 2011 e nesta edición a temática céntrase na presenza da muller na radio. A experiencia de Ponte…nas ondas! cumpre este ano o seu 20 aniversario, como unha actividade única que une arredor da radio o labor educativo, as TICs e a difusión do patrimonio cultural.
Coincidindo con esta data, Ponte…nas ondas! e AIRE (Asociación Internacional de Radios Educativas ) fan público o MANIFESTO DAS RADIOS ESCOLARES este día 13.
O ACTO
Ponte…nas ondas! realizou unha presentación “radiovisual”, conducida por Rocío Pereira, ex-alumna da Facultade, locutora de radio e participante en diferentes edicións de Ponte…nas ondas!
O acto serviu para presentar a historia da Asociación Cultural e Pedagóxica Ponte…nas Ondas! e o traballo desenvolvido ao longo destas dúas décadas, así como a publicación NA PONTE, libro-disco-dvd.
CONVIDADOS:
- Xosé Mª García Palmeiro, profesional da comunicación que foi presidente do Colexio de Xornalistas de Galicia. Será entrevistado por alumnado de radio da Facultade.
- Xurxo Souto, músico e locutor. O creador do movemento Bravú dirixiu o programa A tropa da tralla na Cadena Ser. Xurxo achegará a música en directo (fundador de Os Diplomáticos e Os Tres Trebóns).
