Obradoiros de xogos, construción de enredos, brinquedos musicais e demostracións varias.
A emoción da billarda, a precisión da chave, os chimpos da mariola, as reviravoltas da buxaina, a habilidade dos bolos, a intensidade do tiro de corda… Os xogos populares reúnen diversión e pedagoxía e estimulan a cooperación e a convivencia de pequenos e maiores. Parte do patrimonio común lúdico e educativo que ano a ano gaña en seguimento. A Asociación Ponte… nas ondas! organiza reunións lúdicas e non competitivas para a convivencia entre rapaces e rapazas de escolas galegas e portuguesas.
