A Dirección Xeral de Ordenación e Innovación Educativa vén de publicar a Resolución do 25 de novembro de 2025 pola que se convoca a participación dos centros docentes públicos dependentes da Consellería de Educación, Ciencia, Universidades e Formación Profesional na Rede de Centros “Ponte… nas ondas! Modelo de boas prácticas co Patrimonio Cultural Inmaterial (PCI)” durante o curso 2025/26.
Os centros que desexen incorporarse a dita Rede, así como os que xa formaron parte dela durante o curso 2024/25 e queren continuar na mesma, deberán formalizar a súa solicitude a través da aplicación de Programas educativos (https://www.edu.xunta.gal/programaseducativos/).
O prazo para a presentación de solicitudes é de 10 días hábiles a partires do día seguinte á publicación da resolución no Portal Educativo, é dicir, ata o 10 de decembro de 2025. Os interesados deberán presentar un proxecto e valorarase, entre outros aspectos, a participación no Plan de Mellora de Bibliotecas Escolares e no programa Radio na Biblio.
No primeiro curso, o 2023/2024, un total de 20 centros públicos das etapas de Infantil, Primaria, ESO e Bacharelato pasaron a formar parte da Rede de centros Ponte… nas Ondas!. No curso 2024/2025 incorporouse outra decena de centros educativos ao modelo.
Máis información sobre a inscrición
https://www.edu.xunta.gal/portal/node/48420
https://www.edu.xunta.gal/portal/sites/web/files/convocatoria_rede_ponte_nas_ondas_25-26_definitiva.pdf
Sobre o modelo PNO! de boas prácticas co PCI
https://pontenasondas.org/modelo-pno/
