Ponte… nas Ondas! presenta o seu modelo en Lisboa o 2 e 3 de maio.
Unha delegación de alumnos, profesores e músicos galegos uniranse a outra representación homóloga en Lisboa para presentar o modelo Ponte…nas ondas! de boas prácticas co patrimonio cultural inmaterial (PCI) que a UNESCO inscribiu en decembro de 2022 a proposta de Portugal e España. Haberá dúas emisións (a través da web www.pontenasondas.org), unha desde o Instituto Español de Lisboa Giner de los Ríos, o xoves 2 de maio ás 11.30 hs. e o venres 3 de maio no Centro Galego ás 18.00 hs.
No Instituto Español de Lisboa “Giner de los Ríos”
O xoves 2 maio os estudantes do IES de Salvaterra de Miño, co português como segunda lingua no seu instituto, xuntaranse co alumnado do Instituto Ginér de los Rios para realizar o “radiovisual”: “Ponte…nas ondas! 1 modelo de boas prácticas co PCI”
Contarán coa participación de convidados para a emisión como a Consejera de Educación da embaixada de España en Lisboa, o director/a do Instituto Español, a profesora e pianista Carmen Losada, a investigadora Xulia Feijoo, o Cuarteto Caramuxo, o artista Luiz Caracol e a cantante Uxía.
Carmen Losada, ourensá, é filóloga, pianista e profesora no centro lisboeta. Ademais de contar a súa experiencia na cidade falará do ensino da música e do patrimonio cultural que une a galegos e portugueses.
Xulia Feixoo é etnomusicóloga e investigadora da música tradicional, ten un vínculo moi estreito coas persoas portadoras do patrimonio musical e será entrevistada polo alumnado para que divulgue o traballo que está a desenvolver agora mesmo en Aveiro.
O Cuarteto Caramuxo é un sexteto formado por catro clarinetistas, un acordeonista e unha percusionista que reinterpretan a música tradicional galega dende una óptica contemporánea na que se mesturan unhas composicións elaboradas cunha grande delicadeza e cheas de connotacións a todo tipo de estilos musicais, unha instrumentación sorprendente nun grupo de música folk e unha coidada posta en escena derivada da súa experiencia en espectáculos teatrais.
Luiz Caracol é un cantautor cunha identidade propia froito da influencia urbana entre a cidade de Lisboa, onde vive, e o vínculo cultural que sempre tivo con varios países de lingua portuguesa.
En 2013 editou o seu primeiro álbum “Devagar”, onde contou con convidados como Fernanda Abreu, Valete, Sara Tavares, Mia Couto, Zeca Baleiro e Jorge Drexler. Ten participado en festivais en Galicia, na festas do Apóstolo ou no Cantos na maré.
Uxía é a artista galega con maior proxección no mundo da lusofonía. Ela considérase unha madriña de Ponte…nas ondas! e en boa parte ten contribuído a crear o modelo que se presenta en Lisboa. É a autora do tema Máis perto, en colaboración con Segundo Grandío, que xa é considerado un himno para Ponte…nas ondas! publicado no disco Meniños Cantores en 2005 e reinterpretado para o Meniños cantores 2 en 2021:
https://youtu.be/65VT3pi3UdM?si=DJpYBrraJV0_U_Fm
Tamén participou como compositora e intérprete no videoclip de homenaxe a Ponte…nas ondas! pola inscrición na UNESCO como modelo de boas prácticas co PCI:
https://youtu.be/w9DwcAi4DiY?si=Gl897J_5b5b2aBBr
NO CENTRO GALEGO DE LISBOA CON NOVOS CONVIDADOS
A sesión do Centro Galego de Lisboa é aberta ao público xeral e está prevista a asistencia do embaixador de España en Lisboa e a participación do director do centro Xesús Bescos.
No programa radiovisual haberá unha representación da emigración galega a Lisboa e será entrevistado Graciano Espinheira, de Barciademera, o creador da popular bebida “ginginha”. A súa família foi para Lisboa a mediados do século XIX e o seu bisavó fundou a empresa veio para Lisboa em meados do século XIX. O seu bisavô, Francisco Espinheira Cousiño, forma a empresa da cal é xa a cuarta xeración. Neste momento o seu fillo máis vello encóntrase á frente do negocio da Ginginha. O lugar onde se sirve a popular bebida xa é mencionado como un lugar.
Roberto, Paula, Ales e Zulema conforman o grupo de pandereita Ghalderios do Centro Galego de Lisboa e contarán o seu labor de transmisión da música galega tradicional, ademais interpretarán algunhas músicas.
O radiovisual rematará cun concerto musical a cargo do grupo Caramuxo, de Luiz Caracol, de Paulo Marinho, o grupo Ghalferios e Uxía.
Paulo Marinho naceu en Lisboa, é instrumentista, profesor, investigador, divulgador, compositor e construtor. Dedícase ao mundo da gaita tal vez pola orixe da súa familia paterna en Valença do Minho.
En 1983 integrou o grupo musical “Sétima Legião” e no ano seguinte o grupo de danzas e cantares Anaquiños da Terra da Xuventude da Galiza – Centro Galego de Lisboa. En 1992 foi un dos fundadores do grupo musical “Gaiteiros de Lisboa”. En 1999 foi un dos fundadores da “APEDGF – Associação Portuguesa para o Estudo e Divulgação da Gaita de Foles”.
Para a celebrar o X aniversario de Ponte…nas ondas! os Gaiteiros de Lisboa e o grupo Treixadura gravaron en 2004 o videoclip “A chula da póvoa/Nosa señora da Guía” incluído no disco-libro Na ponte (2012)
https://youtu.be/HyaUvp-pNB8?si=29ptkLkTKkoY9c_4
As actividades relizadas en Lisboa contan coa colaboración da Secretaría Xeral de Política Lingüística da Xunta de Galicia, do IE de Lisboa e do Centro Galego de Lisboa.
