• A artista baiana realizou unha composición para o XV aniversario de Ponte…nas ondas!
• En 2010 participou no disco-libro Cores do Atlántico e actuou no concerto de presentación na illa de San Simón.
• O seu apoio foi un dos que amparou a candidatura de Ponte…nas ondas! ás boas prácticas co patrimonio cultural inmaterial da UNESCO.
Ponte…nas ondas ! felicita e celebra o nomeamento de Margareth Menezes como nova Ministra de Cultura do Brasil. A artista tomou posesión do seu cargo o día 1 de xaneiro en Brasilia e será unha das figuras máis populares do novo goberno de Lula da Silva.
Margareth Menezes é unha das artistas que mostrou o seu apoio a experiencia de Ponte…nas ondas! xunto a outros intérpretes brasileiros como Chico César, Daniela Mercury ou Lenine a través de unha colaboración musical.
En concreto, a actual ministra de cultura interpretou “Portugaliza” no XV aniversario da Asociación baixo o lema “O patrimonio dos tesouros vivos”.
http://pontenasondas.org/xv-edicion-xornada-multimedia-pno-2009-o-patrimonio-dos-tesouros-vivos/
Videoclip: https://youtu.be/PeYqmVW_sNw
Margareth Menezes en Cores do Atlántico
A ministra de cultura colaborou co proxecto Cores do Atlántico, da artista brasileira Socorro Lira e a profesora neerlandesa Ria Lemaire Mertens, promovido por Ponte…nas ondas! Foi presentado no marco do congreso internacional “Pontes de cultura, pontes de futuro” celebrado en Vigo e Melgaço do 23 ao 25 de abril de 2010. Un proxecto transdisciplinar coas cantigas de amigo galego-portuguesas que incluíu a gravación dun disco con artistas de diversos lugares da lusofonía e a edición dun libro. No disco participou Margareth Menezes interpretando unha das 15 cantigas de amigo, a cantiga atribuída ao trobador Airas Nunes, “Bailemos nós já todas, ai amigas”.
Videoclip: https://youtu.be/z3Y32kMp1zI
No concerto de presentación na illa de San Simón, Margareth Menezes interpretou tamén outras cantigas como a Martin Códax “Ondas do mar de Vigo”. ( concerto completo: www.coresdoatlantico.eu)
En 2014, a editora Latus da Universidade de Paraíba publicou o libro-disco para todo o Brasil. Esta edición permite ao público brasileiro coñecer un patrimonio común con Galiza e Portugal.
+ info:
https://quilombonoroeste.wordpress.com/2016/08/10/cores-do-atlantico-livro-disco-galego-portugues-agora-no-brasil/
Sobre Ponte…nas ondas!
A visita a Galiza en 2010 de Margaret Menezes permitiulle a artista coñecer a Ria de Vigo e participar nos ensaios do concerto de Cores de Atlántico xunto con outras artistas e músicos como Socorro Lira de Brasil, Uxía de Galiza ou João Afonso de Portugal. A Maga visitou a cidade de Vigo e Arcade e tamén viaxou a Santiago de Compostela. Coñeceu de preto a experiencia de Ponte…nas ondas! e manifestou que era unha experiencia que favorece a comunicación e a lingua. Cando recibiu o convite para elaborar unha composición para o seu 15 aniversario confesou que deu un mergullo na irmandade do portugués, na orixe e xurdiu unha canción que conta esa historia da Galiza, de Portugal, da Baía. Eses elementos están dentro da composición que fixo “con moito cariño” para Ponte…nas ondas! e que titulou “Portugaliza”.
Margaret Menezes considerou que o proxecto Ponte…nas ondas! é moi importante e que precisa cada vez máis abrir a súa participación a máis escolas, universidades e a persoas que poidan ter acceso. Segundo Margareth Menezes, o proprio nome do proxecto é “belísimo, muito inspirador, bacana”. Este apoio foi incluído no dossier da candidatura de Ponte…nas ondas! ao rexistro das boas prácticas co patrimonio cultural inmaterial e que foi inscrita o 1 decembro de 2022 en Rabat. O vídeo, xunto com outros apoios, pode verse no rexistro da UNESCO:
https://ich.unesco.org/en/7c-register-01283#7.c.4
Margareth Menezes sobre Ponte…nas ondas!:
Fotografías da Maga en Galiza:
Ponte…nas ondas! e o Brasil:
http://pontenasondas.org/ponte-no-brasil/?lang=pt-pt
