Este venres 17 de outubro, na sede do Consello da Cultura Galega, en Santiago de Compostela, ás 12.00 hs. ( hora galega ), acto conmemorativo dos 10 anos da presentación da Candidatura do Patrimonio Inmaterial Galego-Portugués.
Neste acto darase a coñecer a nova campaña pola inscrición deste patrimonio na Lista Representativa da UNESCO.
Están convidados representantes das institucións galegas e portuguesas así como representantes de asociacións e colectivos que apoian o proceso da Candidatura.
O acto será retransmitido en streaming a través desta Web a partir das 12.00 hs. e contará coa actuación de Uxía e Augusto Canario.
