Reunidos Anxo Cabada professor e fotógrafo, Xerardo Pereiro professor e antropólogo, Cristina Sánchez-Carretero investigadora e antropóloga e Xerardo Feijoo membro da Associação Cultural e Pedagógica Ponte….nas ondas! atuando como secretário com voz e sem voto, constituem-se como Júri do II Concurso de fotografia “ As imagens do património “ e
ACORDAM
1º. Agradecer às escolas, professores e estudantes a sua participação neste II Concurso de fotografia “ As imagens do património “ convocado pela Associação Cultural e Pedagógica Ponte…nas ondas! com o que se pretende, como objetivo preferente, descobrir às novas gerações a existência de um rico e variado Património Cultural, para o que propusemos que a iniciativa das escolas, os alunos e alunas buscaram, na companhia dos seus familiares, aquelas fotos que contenham elementos desse património que queremos dar a conhecer. Nas bases, e como complemento desta busca, solicitávamos que se completara a participação no Concurso com a inclusão de um texto explicativo da imagem.
2º. O Júri valorou a grande qualidade da maioria dos trabalhos apresentados a concurso e o esforço mostrado na elaboração do texto que acompanha a cada uma das fotografias pelo que propõe à entidade que convoca o Concurso que gere o desenho de atividades que permitam mostrar e difundir as fotografias apresentadas, dada a sua qualidade e interesse, para a sua divulgação e para que sirvam como estímulo e exemplo para outros projetos educativos similares.
3º.-Depois das correspondentes deliberações, os membros do Júri acordam outorgar os seguintes prémios nas diferentes categorias estabelecidas pelas Bases do Concurso,
Categoria Ensino Primário/Ensino Básico
1º Prémio: Claudia López Darriba CEIP A Ponte (Lugo)
Nesta foto esta a miña avoa esta no lado dereito a muller que esta cunha torta na man. Foi en Castro de Neira no concello do Páramo, no ano 1958, era a voda dunha prima da miña avoa que se chamaba Carmen 16 anos e Camilo o noivo 44 anos que xa morreu, levábanse 28 anos. Coñecéronse o día 1 de xaneiro e casaron o día 31 do mesmo mes e ano e marcháronse para Francia. A miña avoa contoume que antes as vodas non se facían en restaurante, eran nas casas e moitas veces poñían varias mesas e bancos nas palleiras para coller toda a xente.
2º Prémio: Abel González Ramilo CEIP da Cruz.Camos (Nigrán)
Tranviarios_1930 O meu bisavó (de uniforme pola dereita) era xefe dunha estación do tranvía de vigo. Na foto aparece con outros compañeiros de traballo e un cativo na estación de tranvia de Vigo Data aprox. 1930
3º Prémio: Ada Goyanes. CEP Sabarís.(Baiona)
Festa da Empanada en Chantada (Lugo) 1959. Festa popular que se celebra o último martes del mes de Agosto. As familias acuden a comer e a pasar o día no campo. Solía haber gaiteiros amenizando a festa e facían que a xente bailara acompañándos. As familias sentábanse a comer e visitábanse unhas a outras compartindo a comida que levaban. Na foto sae a familia Cedrón Noguerol. (Avós, pais, tíos e primos).
O TREN DE MERCANCÍAS Nesta imaxe vexe un dos primeiros trens de mercancías que pasou por O Porriño tirado por touras. Pódese ver que non hai cables de tren por onde vai a electricidade para darlle aos trens. As mercancías ían dende Redondela e lugares cercanos, xa que as touras que o tiraban non podían con tanto peso, cansábanse xa que eran dous vagóns que ían cargados. No Porriño a mitades da carga quitabase e logo ía cara Tui. As veces chegaban ata Portugal ou saían de Portugal, con mercancía, semillas e ás veces con xente dentro. Noutros casos levaban 3 vagóns, nos dous primeiros levaban as mercancías e no último levaban 2 touras más, pero só cando o viaxe era moi longo. Alguns días cambiaban os vagóns para levar a xente, como tren era o máis “seguro” naquela época moitas persoas subían, aunque non fóra o máis rápido. Pero tamén como era un transporte novo que xuntaba diferentes pobos pois a xente subía máis. Na imaxe aparece o meu bisavó xa que foi uns dos que construíu a vía, xa que ese e uns dos primeiros que pasaron, tiña que estar alí para comprobar que todo ía saír ven e se lle pode ver un pouco pola parte esquerda. A foto sería entre finais dos anos 50 e principios dos anos 60. A data próxima non si decila xa aparte de que na foto non aparece, meu bisavó non acórdase ben. Ademais xa que era unha carretera transitada por os coches, puñan as barras que se baixaban manualmente cando viaxe ao tren vir, para que os coches parasen como se fai actualmente.
2º Prémio: María Fernanda Fernández Gómez. IES de Valadares. (Vigo)
Esta outra foto foi tomada no ano 1966, na festa de Santana/Santa Ana (Beade/Vigo). Nela aparecen, de esquerda a dereita, a miña tía-avoa Carmen, a miña madriña Claudina, o burro Juanito. Enriba del está o meu tío-avó Fernando; dentro da cesta estaban os meus curmáns-segundos Pepiño e Margó e a miña tia-avoa Margarita. Detrás da miña tía-avoa Carmen está un home con camisa branca e sorrindo, chamado Juan, que é un veciño de Beade. Despois, na outra esquina, detrás da miña tía-avoa Margarita encóntrase un home cun xornal na man que se chama Aniceto, o carteiro. Naqueles tempos o pan repartíase ou ben cunha cesta na cabeza ou cun burro. Nesta foto viñan de facer o reparto e pasáronse pola Festa de Santana, co burro Juanito. Naquel tempo existía o Racionamento e a miña tataravoa sempre tentaba non deixar sen comer a ninguén; cando alguén pasábase da súa ración ela sacaba o seu carácter, por iso algunhas persoas dicían que era mala. Contan unha anécdota que un día no repartimento de racións un home tentou levar outro cacho de pan que non lle pertencía e ela mirouno e colleu unha palangana con mexo e botoulla por riba. Non por casualidade o seu alcume era A CABRA.
3º Prémio: Ana Romero Rodríguez. IES Terra de Turonio. (Gondomar)
Ésta imaxe foi feita nas festas patronais de San Cibrán, nela está, a miña avoa, que tiña 1 ano e medio, os seus tíos que viñan de Uruguay, os seus avos, os seus pais, o seus irmán, os seus avos de Belesar, os otros tío que tamén eran de Belesar e as outras tías. A verdadeira historia desta foto é, que o primeiro barco que chegou a Vigo despois da Guerra Civil, viña de Uruguay e traía a os tíos da miña avoa. Os cales non se coñecían. Esperaban no embarcadoiro moi nervosos porque o barco non chegaba ata o muelle. Para identificarse gritaron o seu apelido –Misa- . O encontro foi inenarrable. Viñeron en coche ata Gondomar pero dende Gondomar ata San Cibrán tiveron que subir andando. A tía da miña avoa chegou sen tacos a casa. Pero o peor de todo non foi iso. Senon cando pediu para para ir ao baño, indicaronlle a corte. Pero enseguida se lle pasou o decaimento, porque foron festexar as festas patronais, e encontrarse co resto a familia.
Accésits: Lucía Fernández Pérez IES Pedras Rubias (Salceda de Caselas)
Yashira Álvarez Ramírez . IES Pedras Rubias.(Salceda de Caselas)
Prémio Especial à escola que enviou o conjunto maior de fotografias que, cumprindo as bases do Concurso têm grande relevância pelo seu conteúdo: CEIP San Ramón de Moeche
Este site utiliza cookies para permitir uma melhor experiência por parte do utilizador. Ao navegar no site estará a consentir a sua utilização.OkPolítica de privacidade
