A UNESCO proclamou o 13 de febreiro como Día Mundial da Radio.
PONTE…NAS ONDAS! vén promovendo a radio escolar desde 1995 como un recurso educativo para mellorar as competencias comunicativas dos nosos xoves. A UNESCO inscribiu a PONTE…NAS ONDAS! como “modelo de boas prácticas co patrimonio cultural inmaterial”, a primeira inscrición para Galiza e Portugal neste rexistro.
O día 13 de febreiro de 2024 coincide neste ano co martes de Entroido (non lectivo). O entroido é unha das manifestacións do Patrimonio Cultural Galego-Portugués e, por tanto, tamén é unha boa ocasión para encher as ondas de programas co entroido como tema principal.
Ao mesmo tempo, neste 2024, a UNESCO conmemora un século da radio como medio de comunicación baixo o lema: UN SÉCULO INFORMANDO, ENTRETENDO E EDUCANDO. A radio escolar é hoxe un medio que forma e educa nos medios de comunicación. Aquí tedes as suxestións para a celebración deste ano: https://www.unesco.org/es/days/world-radio/13ideas
Por todo isto, desde Ponte…nas ondas! propomos aos centros educativos galegos e portugueses o envío de podcasts ou vídeos para seren emitidos o día 13 no portal web ESCOLAS NAS ONDAS (www.escolasnasondas.com) para celebrar esta data e para difundir así o modelo PONTE…NAS ONDAS!: educación, patrimonio, comunicación e novas tecnoloxías.
As ligazóns cos traballos gravados deben ser enviadas até o día 10 de febreiro para: web@escolasnasondas.com
● O día 13 de febreiro serán emitidos todos os podcasts recibidos no portal “ESCOLAS NAS ONDAS” (www.escolasnasondas.com)
● + info: pontenasondas@pontenasondas.org
